អន្តរជាតិ: សញ្ញាបង្ហាញថាពិភពលោកកំពុងវិលត្រឡប់មករកភាពប្រក្រតីវិញបន្ទាប់ពីជំងឺរាតត្បាតជិតពីរឆ្នាំ ដែលកន្លងមកយើងតែងតែឃើញភាពរីករាយ។ ព្រឹត្តិការណ៍កាលពីឆ្នាំមុនត្រូវបានលុបចោលប៉ុន្តែការប្រណាំង “រថយន្តឆ្កួត” របស់ប៉េរូបានត្រលប់មកវិញតាមប្រតិទិនកាលពីថ្ងៃចន្ទ។

មិនចាំបាច់មានប័ណ្ណបើកបរសម្រាប់ព្រឹត្តិការណ៍នេះទេ មនុស្សម្នាទាំងក្មេងទាំងចាស់បានឡើងជិះនៅពីក្រោយកង់រថយន្តដែលផលិតដោយខ្លួនឯង។ លក្ខខណ្ឌតែមួយគត់គឺរថយន្តត្រូវផលិតចេញពីវត្ថុធាតុដើមកែច្នៃឡើងវិញ។ សម្រាប់មនុស្សភាគច្រើន ល្បែងនេះគឺគ្រាន់តែជាការសប្បាយរំសាយកង្វល់តែប៉ុណ្ណោះ ប៉ុន្តែគូរប្រកួតទាំង៣ក្រុមពិតជាមានការសប្បាយរីករាយជាមួយការប្រកួតប្រជែងដ៏ស្វិតស្វាញរបស់ពួកគេ។

ទីបំផុតហ្គូហ្គោរបស់ Dragon Ball បានយកឈ្នះលើក្រុម Flintstones ដើម្បីឈរនៅលើវេទិការបស់អ្នកបើកបរ។ ក្រុម “Fast & The Furious” មិនមានល្បឿនលឿនគ្រប់គ្រាន់ទេ ពួកគេបានបញ្ចប់ក្នុងចំណាត់ថ្នាក់លេខ ៣។ មនុស្សគ្រប់គ្នានិយាយថាពួកគេនឹងត្រលប់មកវិញម្តងទៀតនៅឆ្នាំក្រោយ៕